Categoría: Tumatxa!

Kai Nakai (Iratxe Aguilera Barrio) musikari gasteiztarra aitzindari izan zen 2020 euskarazko regetoia abesten. ‘Baimenik gabe’ (2020) izan zen bere debuteko album luzearen izenburu adierazkorra. 2023 hainbat single borobil oparitu dizkigu, besteak beste ‘Gugan dago’. Askatasunari abesten dioten kantu alai eta dantzagarriak. Irakurri gehiago

Ken Zazpi talde mitikoak Euskadiko Orkestra Sinfonikoarekin grabatutako zuzeneko album bikaina argitaratu du 2023an. Fernando Velazquezen zuzendaritzapean, belaunaldi baten soinu-banda idatzi duen taldearen kanturik ezagunenak formatu sinfonikoan entzuteko aukera. Irakurri gehiago

Jon Ander Artola (bateria) eta Yeray Gascon (gitarra eta ahotsa) dira Habi taldeko kideak. 2023an ‘Ohartu’ (Elkar) album luze interesgarria argitaratu dute. Lan zuzen, rockero eta gitarreroa da. Eta izugarri gustatu zaigu. Taldea 2018an sortu zen eta geroztik bi disko luze grabatuak zituen, ‘Loratu’ (Autoekoizpena, 2018) eta ‘Koloreak’ (Elkar, 2020). Talde bikaina. Bere diskoa entzutea gomendatzen dizugu. Irakurri gehiago

Letagin talde oñatiarrak ‘Zurrunbiloan’ izenburuko EPa argitaratu du 2023an. Rock gitarreroz betetako sei kantuk osatzen dute lan. Julen Agirre, Unai Lete, Mikel Aginagalde eta Iban Idigoras dira taldeko kideak. Aurretik Potemkin, Show Business, Bagauda edo Asfiksia bezalako taldeetan ibili ostean, 2018. urtean taldea. Irakurri gehiago

Ghau ez da ohiko musika taldea. 2018an sortu zen, ibilbide luzeko zenbait artistaren eskutik. Jon Horna, Oriol Flores eta Gartxot Unsain dira bere kideak. ‘Arin Nira’ bigarren lan luzea argitaratu dute 2023an. Album interesgarri bezain sailkaezina da. Barruan dugun ume galdua berreskuratzeko presaren inguruko hausnarketak sortu zien bertako kantuak sortzeko beharra. Elektronika, bide berriak eta esperimentazioa. Irakurri gehiago

‘Aurrera ez den alde batera’ disko bikaina argitaratu du 2023an Mugan taldeak. Zazpi kantuz osaturik, frustrazioaren inguruko hausnarketa du ardatz. Kantuak lotzeko, berriz, narrazioak txertatu dituzte. Taldeak dioenez, “aseezina izateak noiz behinka berbideratzeko beharra dakar”. Eta bide horretan, frustrazioak paper garrantzitsua jokatzen du. Irakurri gehiago

Streetwise talde nafarrak ‘Deus ez / Ikustezin’ singlea aurkeztu du 2023an, hurrengo album luzearen aurrerapen gisa. Lana 300 aleko edizio mugatuan grabatu dute, binilo beltzean. Punk-rock eztanda bikaina Iruñatik. Irakurri gehiago

Urtz talde mitikoak lan berria aurkeztu du 2023an. ‘Esnatzean’ izenburupean, zazpi kantu bildu dituzte, 35 urteko ibilbide oparoaren ondoren. Soinu berritua dakar albumak, baina taldearen nortasunari uko egin gabe. Sestaoko Polo Sur musika-estudioetan grabatutako lana, CD eta binilo formatuetan kaleratu da. Hogeita hamabost urteko musika ibilbide oparoan ondutako estudioko zortzi diskoren ostean, lan berri eta iradokitzaile batekin itzuli da URTZ.… Irakurri gehiago

Postal Kolekzionistak taldearen lan berria iritsi zaigu 2023an. Lau kantuz osatutako EPa ‘Ezusteko kantak’ izenburupean grabatu dute. Eguneroko gertakari txikiak, gizarteak hartu duen bidea edota bakardadea ageri dira pop-folk doinuetara hurbiltzen den lan bikainean. Irakurri gehiago

Euskal metalaren aitzindariek lan berria grabatu dute. ‘Alarma’ albumean, Sutagar taldearen bilakaera islatzen duten kolore musikalak ageri dira: abiadura handiko kantuak, kantu lasaiagoak, speed metal eta thrash azkarrena, eta baita metal pisutsu eta klasikoena ere. Sei urte igaro dira 2016an Maitasunari Pasioa estudioko azken lana kaleratu zutenetik. Tartean antzokietako bira arrakastatsua ere egin dute. Berri pozgarria beti euskal musikarentzat Sutagarren… Irakurri gehiago