Gaztematikako 2026-2027 ikasturtea hasi da Gipuzkoan
Gaztematika sareak 2026-2027 ikasturtea hasi du Kontadores zentroan egindako lehen foroarekin. Gipuzkoako haurtxoko eta gaztelekuetako 50 profesional baino gehiago elkartu dira lan-ildo nagusiak eztabaidatzeko, gobernantza eredua aztertzeko eta hezitzaileen proposamen eta beharrak jasotzeko.
2008-2009 ikasturtean sortu zenetik, Gipuzkoako Foru Aldundiak eta udalek sustatutako Gaztematika-k haur eta gazteen ongizatea eta parte-hartzea hobetzeko lan egiten du. Topaketa honetan, «Ingurune On» Ituna, TREBA programa eta gobernantzarekin lotutako hainbat gai landu dira.
Dinamika parte-hartzaile baten bidez, profesionalek interes eta beharrak identifikatu dituzte, hurrengo foroetan landuko diren gaiak lehenesteko eta lan-irizpideak ezartzeko. Sarean lan egitea Gaztematikaren indargune handienetako bat da, Gipuzkoako eragile politiko, tekniko eta hezitzaileek ezagutzak partekatzen baitituzte gazteen garapenerako.
Informazio gehiago:
gipuzkoa.eus
