The Clayton Aramaioko taldeak estudioko bigarren lan luzea kaleratu du 2023an. ‘Over the red light’ albumak gitarra zorrotzez beteriko zortzi rock&roll eztanda biltzen ditu. ‘Inertzia’ du izenburu bertatik ateratako lehen single indartsuak. Taldea 2017an sortu zen. 2019. urtean lehenengo maketa kaleratu eta hortik eta bi urtera lehen lan luzea kaleratu zuen. Irakurri gehiago

Eider (Eider Sáez, Lazkao, 1998) Nogen taldeko ahotsa izan zen 2018tik 2022ra bitartean, bakarkako ibilbideari ekin aurretik. 2023an ‘Loratzen’ izenburuko EP fresko eta harrigarria argitaratu du. Pop eta elektronikaz betetako sei kantu bildu ditu bertan, bere burua aurkitzeko bidea eta azken urteetan bizitako esperientziak, emozioak eta pertzepzioak erakusten dituzten doinu dotoreak. 2023. urteko ezusteko gozoenetakoa izan da, euskal musikari dagokionez.… Irakurri gehiago

Dirty old Gasteiz taldeak lan berria aurkeztu du 2023an, Tough Ain’t Enough Records zigiluaren eskutik. Punk-rock gordina darien lau abesti zuzen, zorrotz eta bortitz bildu dituzte bertan. 300 aleko edizio mugatua, binilo beltzean. Album bikain eta indartsua. Irakurri gehiago

Tatxers talde nafarraren lehen lan luzea entzuteko irrikaz geunden eta 2023an iritsi da une hori. Taldearen izena daraman hamaika kantuko album bikaina argitaratu dute, Tough Ain’t Enough Records zigiluaren eskutik. Punk rock zorrotz bezain dotorea, ‘Hiruzpalau Amets Larri’ debuteko single-aren bideari jarraitzen diona. Berri onak euskal musikarentzat. Irakurri gehiago