Iruñerriko Lilo taldeak lehen albuma argitaratu du 2023an: ‘Nora goazen jakin gabe’. Poparen eragina nabaria da beraien kantuetan, nahiz eta beste estilo batzuekin ere jolasten diren, hala nola rockarekin indiearekin edota folkarekin.
Maria Mateo (ahotsa eta konposizioak), Pello Iturria (bateria eta ahotsa), Oihane Gulina (pianoa eta koruak), Julen Hoyuelos (gitarrak), Nekane Ibero (gitarra, baxua eta koruak) eta Irama Otero (gitarrak) dira taldeko kideak.
LILO 2020an jaio zen taldea da, Spotify eta YouTube bezalako plataformetan 4 single kaleratu ondoren, taldeak bere lehen albuma argitaratu berri du, ‘Nora goazen jakin gabe’ izenpean.
