Mamu, Bilboko estoldetatik datorren hardcore laukotea da. ‘Mapa eta lurraldea’ debuteko lana argitaratu dute 2023an, zazpi kantuz osatutako lan indartsua.
Besteak beste Raust, Sen Horx, Ukabila, eta bereziki Haxotz taldeetan ibilitako musikariak dira Luzu, Alex, Txira eta Jokin, taldeko lau kideak. Santutxutik hasi dute Euskal Herri osorako erasoa, benetan interesgarria iruditu zaigun bilduma batekin.
