Bizilabe: gazteak eta zientzia eskuz esku

Tumatxa Gazteak

Ingurumen Hezkuntzaren Museoak hartu du Bizilaberen lehen “Bikotekideen Topaketa”, Iruñeko Udalak eta Elhuyarrek sustatutako hezkuntza eta zientzia programa.

Topaketan, zientzia eta teknologiaren arloan ari diren 8 emakumek eta 3 gizonek beren esperientziak partekatu dituzte 10 eta 14 urte arteko 33 gazterekin.

Saioan, profesionalek beren ibilbidea, eguneroko lana eta aurkitzen dituzten erronkak azaldu zizkieten gazteei. Ondotik, parte-hartzaileek Bizilabe programaren barrenean landutako STEM proiektuak aurkeztu zituzten. STEM siglek zientzia, teknologia, ingeniaritza eta matematika biltzen dituzte.

Mahai bakoitzean profesional bat eta gazte talde bat elkartu ziren, solasaldi eta ideia-truke hurbila sortzeko. Profesionalek aholkuak eta orientazioa eman zizkieten gazteei, bereziki arlo hauetan interesa duten neskei.

Saioan zehar, profesionalak mahai batetik bertzera mugitu ziren, esperientziak eta ikuspegiak partekatuz.

“Bikotekideen Topaketa” honek aukera eman zien gazteei zientzia eta teknologiako lanbideak bertatik bertara ezagutzeko, eta aldi berean, emakume erreferenteen presentzia ikusgarri egiteko.

Gainera, etorkizuneko ikasketak eta lanbideak pentsatzeko laguntza ere jaso zuten parte-hartzaileek.

Iruñean egiten den lehen edizioa da hau, eta helburua da gazteen talentua sustatzea eta ikerketa eguneroko bizitzara hurbiltzea.

Bizilabe programa 2025ean abiatu zen, eskolaz kanpoko egitasmo modura. Gazteek proiektu zientifiko eta teknologikoak sortzea sustatzen du, eta instituzioen, ikastetxeen eta familien arteko elkarlanari esker, STEM arloko profesionalekin topaketak eta enpresetara bisitak ere antolatzen dituzte.

Finean, gazteen etorkizunerako zubi sendo bat izan nahi du Bizilabek, berrikuntza eta ikerketa gazteen egunerokoan txertatuz.

Informazio gehiago:
www.pamplona.es/eu