Bisita gidatua: ‘Harien isla’ erakusketaIrati Bazeta. Durangoko Arte eta Historia Museoa
Euskararen inguruko galderak eta begirada kritikoak margora eramanda, Irati Bazeta ilustratzaile gazteak bere lehen erakusketa handia inauguratu du Durangoko Museoan, 2024ko Durangoko Azokako Sormen Bekaren emaitza.
Irati Bazeta abadiñarrak Harien isla proiektua garatu du azken urtean, Durangoko Azokaren Sormen Beka irabazi ondoren. Euskararen inguruko galderak eta bizipenak ardatz hartuta, margogintzan sortutako dozenaka pieza aurkeztu ditu Atartea Gunean, urtarrilaren 7ra arte ikusgai egongo direnak.
Bazetaren lanak euskara jendea osatzen duten errealitate anitzak aztertzen ditu, harien metaforaren bidez: egunerokotasunean ezkutuan geratzen diren loturak, egiturak eta botere dinamikak agerian jarriz. Artistak berak dioenez, proiektua “gogoeta sortzeko espazio bat” da, ikuslea ispiluaren aurrean jarri eta bere galderak ere mahai gainean jartzera gonbidatzen duena: Nor da euskara jendea? Nolakoa da gure hizkuntza bizi dugun modua? Guztiok al dugu bide bera?
Ezagutza kokatutik sortutako obra hauek ibilbide intimo eta bisual bat proposatzen dute, eta gazteentzako begirada erakargarria eskaintzen dute: kolorea, keinu askea eta galdera zorrotzak uztartzen dira, artearen bidez hausnarketa kolektiboa pizteko.
Gainera, 2024ko Sormen Bekaren deialdi berriko irabazlea abenduaren 8an ezagutaraziko da Ahotseneako sari-emate ekitaldian. Arte bizi-bizia Durangon jarraitzen du.
