Gabonak Zuretzat (Donostia) dirulaguntzetarako epea zabalik
Donostia Gazteriak Gabonetarako ekintza eta egitarau bereziak antolatzen dituzten elkarteei zuzendutako dirulaguntza programa ireki du. Diruz lagundutako jarduerak abenduaren 14tik urtarrilaren 5era arte izango den “Gabonak zuretzat” programaren barruan kokatzen dira.
Programaren honek aisialdia modu egokian bideratzeko ohiturak sortzea du helburu. Halaber, ondo pasatzeko eta dibertitzeko era berriak ezagutzeko aukera eman nahi da. Horrez gain, bestelako balio batzuk ere landu nahi dira; besteak beste, hezkidetza, elkartasuna eta aisialdi sortzailea. Eta horiek guztiak, batik bat, haur, nerabe eta gazteekin lan egiten duten hurbileko entitateen bidez lantzea da helburua.
Eskabideak aurkezteko epea 2024ko urriaren 28ra arte egongo da zabalik.
