Getxoarte bekak 2024
Uztailaren 15era arte zabalik dago Getxoarte beka deialdian izena emateko epea. Ekimen horren bitartez ikerketa eta ekoizpen artistiko garaikidea bultzatu eta sortzaile, profesional eta herritarren arteko elkarreragitea sustatu nahi da. Deialdiaren bosgarren edizioan hiru beka emango dira, horietako bakoitza 5.000 eurokoa.
Deialdi honetara arte garaikideko lan eta proiektu argitaragabeak aurkez daitezke, banakakoak zein kolektiboak izan. Ezinbestekoa da bitartekaritza-prozesuak txertatzea horien garapenean. Horretarako, Getxoko kolektibo zehatzekin lan-dinamikak integratu beharko dituzte, azken urteotan Getxoarteko Bitartekaritza eta Egonaldi Programak bultzatu baititu horrelako ekimenak.
Aukeratu hautagaiek bost hilabeteko epea izango dute proposamena aurrera eramateko. Proposamenak Romo Kultur Etxean garatu beharko dira abenduaren 1era bitartean.
